Khandi Alexander/Алекс Вуд (биографија)

Алекс Вудс ја толкува Шанди Александер, која приватно, не ни сонувала дека ќе и се овозможи улога во која секојдневно ќе мора да се дружи со мртви тела.

Шанди е родена на 4 септември 1957 година во Њујорк. Нејзината првична работа била кореографијата, па ќе стане дел од тимот на Витни Хјустон и ќе ги осмислува нејзините настапи на светските турнеи.

Шанди со години ќе биде сведок на разните испади на позната пејачка, нејзините проблеми со дрогата и бракот, за да на крај, самата даде отказ поради многубројните скандали што ја следеа пејачката.

Се префрлува на актерската кариера, каде што толкува улоги во неколку ТВ серии, а во 1993-та година се појави во епизодна улога во биографскиот филм за Тина Тарнер. Две години подоцна, станува дел од тимот на серијата „Вести на радио“, каде игра во две сезони во улогата на Кетрин Дјук, контраверзната водителка на радиото, чија специјалност се сексуалните фрустрации.

Потоа се префрла во тимот на „Ургентен центар“, во осмата сезона, во улогата на Џеки Робинс. Медицинските искуства од серијата, ќе и овозможат да се вклопи и во улогата на Алекс Вудс.

Освен улогата во „Истрага на местото на злосторството: Мајами“, Шанди, годинава сними и два филма, кои сеуште се наоѓаат во фазата на постпродукција. Првиот е „Првороден“, ќе ја има премиерата во септември, а во октомври се очекува и премиерата на вториот филм „Дожд“.

Живее во Лос Анџелес и воопшто не помислува на брак, иако во серијата е мажена и има две деца.